“ንሱ ይሓልየልኩም እዩ እሞ፡ ንዅሉ ሓልዮትኩም ኣብኡ ኣውድቕዎ”። (1ጴጥ 5፡7)
“ነፍሰየ፡ ንእግዚኣብሔር ባርኺ፡
ኣብ ውሽጠይ ዘሎ ዅሉውን ንቕዱስ ስሙ ይባርኽ።
ነፍሰይ፡ ንእግዚኣብሔር ባርኺ፡
ነቲ እተገብረልኪ ሰናይ ኵሉ ኸኣ ኣይትረስዒ፡
ንሱ ንዅሉ ኣበሳኺ ዝሓድገልኪ፡
ንዅሉ ሕማምኪ ዚፍውስ፡
ንህይወትኪ ኻብ ጥፍኣት ዚብጀዋ፡
ብሳህልን ምሕረትን ዚኽልለኪ፡
ንድሌትኪ ብጽቡቕ ነገር ዜጽግብ እዩ፡
ንእስነትኪውን ከም ንስሪ ትሕደስ።” (መዝ 103፡1-5)
ኣብዛ ምድሪ እንሓልፎ ኵሉ ህይወት፡ እግዚኣብሔር ኣምላኽና ይርእዮን ይፈልጦን እዩ። ካብ እግዚኣብሔር ዝስወር ወይውን ንእግዚኣብሔር ዘየገድሶ ክፋል ናይ ህይወትና የለን። ንሱ ኣብ ዕለታዊ መግብና ይግደስ፡ ኣብ ጥዕናና ይግደስ፡ ጸላእቲ ከጥቅዑና ክደልዩ ከለው ንድሕነትና ይግደስ፡ ብዛዕባቲ ካልእ ዘድልየና ናይ ውሽጥና ስምዒት ሓጐስና፡ ሓዘንና፡ ጓሂና ወዘተ ኵሉ ዝርዳእን ዝግደስን ኣምላኽ እዩ። በዚ ኵሉ ድማ ንሱ ይሓልየልና። ንሱ ኣቦና እዩ ዘድልየና ኵሉ ልዕሌና ንሱ ይፈልጦ እዩ። (መዝ 37፡5፣ ማቴ 6፡25፣ እብ 13፡5)
ኣስተንትን
1. ሓልዮት እግዚኣብሔር ኣብ ህይወትካ ብኸመይ ዝተገልጸ ይመስለካ?
2. እግዚኣብሔር ብዛዕባ ገዛእ ርእስኻ ካባኻ ንላዕሊ ከም ዝግደስ ብኸመይ ትፈልጥ?
ስለቲ ኣምላኽ ብፍቕሩ ተደሪኹ ዘርኣየና ሓልዮት ነመስግን። ንዘለኣለም ኣብ ፍቕሩ ጸኒዕና ክንነብር ከኣ ጸጋ ክበዝሓልና ናብ እግዚኣብሔር ንጸሊ።
ይትባረክ እግዚኣብሔር ኣምላከ ኣበዊነ።
መካነ-ህይወት
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ